《人類群星閃耀時》製作記錄

 

此刻的我懂得珍惜自己，因而快樂；我愚弄我自己，因而痛苦。我就是愛！

原文自：《人類群星閃耀時》製作記錄 By Carl Wong         原文自：(IG@wongsheungchuncarl)  link

 

《人類群星閃耀時》製作記錄

自去年完成《物語系列》後，正在構思下年（2021年）我哋要玩乜嘢時，忽發奇想不如搵 @suppermomentsunny 為 @jeremylaous 寫歌（忠粉）🤣⋯⋯十月中問阿仕燊，佢一口就應承然後一寫就寫咗差不多四個幾月，當然因為《狂人日記》係喺呢段時間製作及推出，所以冇時間追佢；三月頭終於收到第一版Demo，等待係絕對值得嘅！我哋一聽嗰陣除就知道必須要放喺《重生系列》做壓軸！所以中途我就要寫《砂之器》去「接龍」，然後個Outro已經鋪定紅地氈嚟迎接呢首歌。

咁都話咗係第一版，就梗係未滿意啦，中途不斷修改又修改，直至七月尾第七版大家都覺得「係你喇！」咁 @diuhak 又師傅到，以光速完成歌詞部份，以小弟嘅作風又可以望住啲字嚟編啦！即刻約埋成隊 @suppermoment Jam吓先，然後我開始諗今次要點樣去埋下之前嘅元素，而同上次《砂之器》唔同，我希望今次「低調」啲🤫同埋之前五首都好多電嘢，今次想Organic啲，全部真樂器 — Full band加Full orchestra！（如果唔係疫情，我直頭想飛去歐洲錄）

​

第一位出場嘅佳麗喺intro尾大約0‘11” 2 #2 3 5 6 呢句係《狂人日記》嘅riff，本來Demo係冇呢段瘋狂嘅intro嘅，不過呢首歌嘅編曲係由《砂》嘅outro開始諗，所以我想有一段比較猛烈嘅轉世過程，就好似將《砂》嘅開頭回帶嗰吓（《狂》個結尾）拉返長佢，然後又經過返《狂》嘅元素輪迴到下一世。

瘋狂氣氛瞬間急轉直下至非常平靜，只用上溫婉嘅Harp伴著Jer嘅歌聲，隨後結他s慢慢加入，去到Prechorus尾成隊濕扒連同full orchestra加入，以chromatic scale 做一個ascending （又係一次轉世）到Chorus部分，留意返第二次prechorus係descending 嘅（一對，都係貪靚而已）。
1st Chorus完間奏2’12”《風靈物語》鈴聲響起，呢個聲音喺《重生系列》飾演著一個好重要嘅角色 ：
「細聽風鈴內 失散 轉生 重逢」

​

好多朋友都Spot到Outro有齊之前五首歌嘅元素，如比較明顯喺5‘02”出現電結他與小提琴嘅《水刑物語》，5’06”Oboe嘅《迴光物語》，低調啲喺5‘09”至5’14”弦樂與French horn嘅《狂人日記》66554433221177 （一家幾口 引發共業⋯⋯），5‘15”《風靈》再現，重有最後5’21”至5‘24”《砂之器》嘅鋼片琴115566543 Lullaby；不過有一個收得比較埋嘅位係冇人（可能有我唔知啦）留意到😬就係最後一段Chorus 大概4’42”至4‘45”小提琴係拉咗《風靈》個Chorus嘅第一句 3 #4 #5 7 6 3（然後淚光一滅），低調得嚟其實遠在天邊 近在眼前。

​

今次我畀咗一個brief阿雞 @ypleungx 全首歌最頭嗰段要係《砂之器》outro嘅結他部份，如果唔明我講乜，唔緊要，遲啲解釋同示範，🤓 佢都彈咗好幾個版本先明。😂

​

呢首歌花得最多時間心機一定係啲管弦樂，尤其弦樂！編咗成個星期（冇錯係好慢Sor）但亦都係最過癮，intro, bridge同埋最後嘅chorus都係我最愛！呢個《重生系列》令我立志要有一日同阿Jer玩Full orchestra 嘅Live performance!希望啦⋯⋯ 集氣。

​

另外一個感動位一定係最後大合唱，多謝一眾兄弟姊妹又一次拔刀相助，尤其負責編嘅 @mirileung 同 @llkpeace 我夜晚同佢哋講，瞓醒已經見到份四部嘅譜，好感動！

​

最後最後如果你有緣應該都聽到一把熟悉嘅聲音「重生的心跳」⋯⋯⋯⋯我承認有兩次去到呢個位係忍唔住🥲 嘅。💪🏻🍽🕙

要令咁多唔同嘅聲音變為一種聲音，一定要多謝守尾門嘅 @frankiehung_fkh 日以繼夜夜以繼日嘅混音工程！

​

製作嘅過程正正引證咗呢首歌嘅意義「I love you, thank you」，除咗要多謝所有工作伙伴外，我自己都要同自己講聲多謝。

P.S. 我要多謝我嘅幕後Producer @candydarlings 給予我客觀嘅意見，0.5dB原來好大分別！

I LOVE YOU, THANK YOU 😘